توێژینەوەیەكی نوێ لەسەر بیبەری تون ئەنجامدارەوە، توێژەران بۆ یان دەركەوتوە چەندین سود بەلەش و تەندروستی مرۆڤ دەگەیەنێت، لەراپۆرتی كۆتایی توێژینەوەكەشدا ئاماژەیان بۆ ئەوەكردوە؛ مەترسییەكانی توشبون بە شێرپەنچە كەم دەكاتەوە.


تەندروستی: (KNNC)


لە توێژینەوەیەكی نوێدا كەلەلایەن پسپۆڕانی بواری خۆراك ئەنجامدراوە، دەركەوتوە؛ خواردنی بیبەری تون سودی زۆری بۆ لەش و تەندروستی مرۆڤ هەیە كە گرنگترینیان خۆی لە باشترکردنی تەندروستی دڵ و کەمکردنەوەی ئاستی کۆلیسترۆڵی زیانبەخش لە لەشدا و رێگری كردنە لە شێرپەنجە، بەتایبەتی  شێرپەنجەی قۆڵۆن و گەدە.


یەكێكی دیكە لە سودە گرنگەكانی بیبەری تون بۆتەندروستی مرۆڤ، رێکخستنی ئاستی شەکری خوێن و باشترکردنی هەستیاری لەش بۆ دەردانی ئەنسۆلینە لەكاتی پێویستدا، هەروەها سودی بۆ چالاككردنی  كۆئەندامی هەرس هەیە و یارمەتیدەریشە بۆ دابەزاندن و كەمكردنەوەی كێشی لەش.


توێژەران ئەەوشیان خستوەتەڕو، خواردنی بیبەری تون سیستەمی بەرگری لەش بەهێز دەكات، توشبون بە نەخۆشییە درمەكان كەمدەكاتەوە و لەشی مرۆڤ لە هەوكردن دەپارێزێت، هەروەك بیبەری تون بە کۆمەڵێک کانزای پێویست وەک پۆتاسیۆم و ئاسن و مەگنیسیۆم کە بەشدارن لە پاراستنی تەندروستی ئێسک و بەهێزکردنیان.