هەڵوەرینی قژ کێشەیەکی باو و ئاساییە و هەموان هەوڵی دۆزینەوەی چارەسەری سروشتی دەدەن، یەکێک لەو چارەسەرانەش ئاوی تەماتەیە کە بە ئاسانی دەستدەکەوێت و پێکهاتەیەکی بەهێز و سەرسوڕهێنەری تێدایە کە بە توانای گەشەکردنی قژ ناسراوە.

تەندروستی:KNNC

رۆژنامەی (تایمز ئۆف هیندستان) بڵاویکردوەتەوە، تەماتە دەوڵەمەندە بە ڤیتامین و کانزا و دژە ئۆکسانی پێویست کە خۆراک دەدات بە پێستی سەر و تاڵەکانی قژ بەهێز دەکات، دەتوانرێت لە ماوەی دوو بۆ سێ مانگدا ئاوی تەماتە بۆ ئەو شوێنانەی سەربەکاربهێنرێت کە قژ تێیدا تەنک بوە و بەشێوەیەکی گشتی قژ بەهێز دەکات.

پێکهاتەکانی تەماتە؛

- ڤیتامین C:  یارمەتی بەرهەمهێنانی کۆلاجین دەدات کە پرۆتینێکی گرنگە بۆ گەشەی قژ.

-لایکۆپین: دژە ئۆکسانێکی بەهێزە و تاڵەکانی قژ دەپارێزێت لە زیانەکانی بەهۆی ڕادیکاڵە ئازادەکانەوە.

- ڤیتامین A هاندانی بەرهەمهێنانی چەوری و پێستی سەر بە شێداری دەهێڵێتەوە و گەشەی تەندروست و گەشەی قژ دەدات.

- بایۆتین و زینک: بەهێزکردنی قژ باشتر دەکات و ڕێگری لە تەنکبونەوەی قژ دەکات.

-  ترشە سروشتیەکان: یارمەتی پاراستنی هاوسەنگی pH ی پێستی سەر دەدەن و قژ هەڵوەرین کەم دەکەنەوە، ئەمەش ژینگەیەکی لەبار بۆ گەشەسەندنی قژ دروست دەکات.

بەم شێوەیە گیراوەکە ئامادە بکە؛

دوو تەماتەی تازە تێکەڵ بکە و ئاوەکەی بگرە

ئاوی تەماتەکە راستەوخۆ بدە لە پێستی سەر و بەتایبەت ئەو شوێنانەی کە قژ تێیدا تەنک بوە

بە جوڵەی بازنەیی و بە نەرمی مەساجی پێستی سەر بکە بۆ چالاککردنی سوڕی خوێن

ئاوی تەماتەکە بۆماوەی 30 خولەک بەسەرەوە بمێنیتەوە و دواتر بە ئاوی شلەتین و شامپۆیەک بیشۆ کە ماددەی کیمیایی کەمتر تێدا بێت

ئەم چارەسەر دەتوانرێت هەفتەی دووجار بەکاربهێنرێت و هەست بە ئەنجامەکەی دەکەیت