وەزارەتی دارایی و ئابوری هەرێم، فۆڕمێکی بڵاوکردوەتەوە و دەڵێت: ئەو فەرمانبەرانەی کەسوکاری شەهیدن و تەمەنیان گەیشتوەتە 60 دەتوانن پڕی بکەنەوە، بەمەبەستی درێژکردنەوەی راژەکانیان.

هەواڵ:KNNC

لە راگەیەنراوێکی وەزارەتی دارایی و ئابوری هەرێمدا هاتوە، بەمەبەستی درێژکردنەوەی خزمەتی فەرمانبەرایەتی بۆ کەسوکاری پلە یەک و پلە دوی شەهیدان، ئەو فەرمانبەرانەی کە تەمەنی خانەنشینبونیان گەیشتوەتە 60 ساڵ و زیاتر، دەتوانن ئەم فۆڕمە پڕ بکەنەوە، بەمەبەستی درێژکردنەوەی راژەکانیان.

ئاماژەی بەوەشکردوە، تەنها ئەو فەرمانبەرانە دەتوانن فۆڕمەکە پڕبکەنەوە کە لە راژەکانیان بەردەوامن، بۆئەوەی داتاکانیان بنێردرێت بۆ وەزارەتی دارایی حکومەتی فیدراڵ.

وەزارەتی دارایی دەشڵێت: فۆڕمەکە تاکو کاتژمێر (2:00)ـی پاشنیوەڕۆی رۆژی پێنجشەممە (23/1/2025) بەردەست دەبێت.