وەزیری دەرەوەی عێراق رایگەیاند، پەیوەندی بە کازم ساهیرەوە کردوە و پێی راگەیاندوە، رۆڵێکی بەرچاوی هەیە لە خستنەڕوی وێنەیەکی گەشاوەی هونەری عێراق.

هەمەڕەنگ:KNNC

ئەمڕۆ یەکشەممە فوئاد حسێن وەزیری دەرەوەی عێراق رایگەیاند، دوای ئاهەنگە گەورەکەی  شەوی رابردوی کازم ساهیر لە ریازی پایتەختی سعودیە، "پەیوەندیم بە کازم ساهیرەوە کردوە و پێم وت، تۆ سەری هونەری عێراقیت بەرزکردەوە لەبەردەم جەماوەری عەرەبی و جیهانی، بێگومان هونەر رۆڵێکی گرنگی هەیە لە بەخشینی هێز بە سیاسەتی دەرەوەی عێراق".

ئاماژەی بەوەشکردوە، پێزانینی قوڵم دەربڕیوە بۆ رۆڵی دیار و بەرچاوی لە خستنەڕوی وێنەیەکی گەشاوەی هونەری عێراقی بۆ رای گشتی عەرەبی و جیهانی.

دوێنێ شەممە، کازم ئەساهر، چوارەمین خولی فێستیڤاڵی گۆرانی کلاسیکی پێشکەش کرد، کە لەلایەن دەسەڵاتی مۆسیقای سعودیەوە ڕێکخرابوو و لە ناوەندی ڕۆشنبیری شا فەهد لە ڕیازی پایتەختی سعودیە بەڕێوەچو.