تا ئەوكاتەی داتای سەرجەم خێزان و بنەماڵەکان لە پارێزگاکان وەردەگیرێت پڕۆسەی تۆماركردنی دانیشتوانی عێراق بەردەوام دەبێت.

هەواڵ: (KNNC)

وەزارەتی پلاندانانی عێراق بڵاویكردەوە؛ سەرژمێری دانیشتوان تا ئەوكاتەی داتای سەرجەم خێزان و بنەماڵەکان لە پارێزگاکان وەردەگیرێت بەردەوام دەبێت.


درێژكردنەوەی ماوەی تۆماركردنی دانیشتوان لە كاتێكدایە، ژمارەیەك لە هاوڵاتیانی هەرێمی كوردستان لە ناوچە جیاجیاكانی هەرێمەوە پەیوەندیان بە (KNN)ـوە كردوە و نیگەرانی خۆیان لە تۆماركردنیان لە قۆناغی دوەمی پڕۆسەی سەرژمێری كردن دەربڕیوە.


لەوبارەیەوە، شاهۆ عوسمان، جێگری پارێزگاری سلێمانی بە (KNN)ـی راگەیاند: نزیكەی حەوت كاتژمێر ماوە بۆ پرۆسەی سەرژمێری كردن و سەرجەم ناوچەكان بژمێرەكان سەردانیان دەكەن، بەپێی رێنماییەكان پێویستە هەمو ئەندامانی خێزانەكان دەكرێت، لە حاڵەتی هەبونی سەرژمێری نەكردنی هاوڵاتیان، دەبێت لیژنەی باڵای سەرژمێری هەرێم و عێراق چارەسەر بكرێت.


لای خۆشیەوە، د.دڵزار حەمەساڵح، بەڕێوەبەری ئاماری هەولێر بە (كەی ئێن ئێن)ـی راگەیاند: تا ئێستا رێنمایی نەگەیشتوە بەدەستیان بۆ ئەوەی ماوەكە درێژبكرێتەوە، چونكە تۆماركردنی هاوڵاتیان لە قۆناغی دوەمی پرۆسەی سەرژمێری تا كاتژمێر (12:00) بەردەوام دەبێت.


ئاماژەی بۆ ئەوەشكرد، ژمارەیەكی زۆری دانیشتوانی سنوری پارێزگای هەولێر تۆماركراون و ئەو ژمارە كەمەشی كەماوە، تا كاتی دیاریكراو كۆتایی دێت و پێناچێت لەشاری هەولێر پێوست بە درێژكردنەوەی كاتەكەی بكات.