پۆلیسی هەولێر دەستگیركردنی دو تۆمەتباری راگەیاند كە ژمارەیەكی زۆر ماتۆڕسكیلیان دزیوە و هۆشداریش بە ئەو كەسانە دەدات كە كڕین و فرۆشتن بە ماتۆڕسكیل پارچەكانییەوە دەكەن.

هەواڵ: (KNNC)

بەڕێوەبەرایەتیی پۆلیسی پارێزگای هەولێر بڵاویكردەوە، هێزەكانیان دو تۆمەتباریان بەناوەكانی (م. م. س) و (م. ل. س) دەستگیر كردوە، كە لە شوێنە جیاجیاكانی شاری هەولێرەوە زیاتر لە (25) ماتۆڕسكیلیان دزیوە و دواتر شێوەی ماتۆڕسكیلەكانیان گۆڕیوە و فرۆشتویانەتەوە.


رونیكردوەتەوە، هەردو تۆمەتبارەكە پەڕاوی لێكۆڵینەوەیان بۆ كراوەتەوە كە بەپێی ماددە (446)ـی یاسای سزادان، رادەستی دادگا كراون.


پۆلیسی هەولێر ئاماژەی بۆ ئەوەشكردوە، هەر كەسێك مامەڵە بە كڕین و فرۆشتنی كەلوپەلی دزراو بەتایبەت ماتۆڕسكیل بكات، چاوپۆشیی لێ ناكرێت و بەپێی یاسا مامەڵەی لەگەڵدا دەكرێت و دەدرێتە دادگا.