26ساڵ بەسەر دەستگیرکردنی ڕێبەری پەکەکە تێدەپەڕێت و تا ئێستاش  بۆ چارەسەری پرسی کورد لە باکوری کوردستان، هیواکان لەسەر ئەو هەڵچنراون.

هەواڵ:KNNC

عەبدوڵا ئۆجەلان، ڕێبەری پەکەکە، دوای ئەوەی لە 9ـی تشرینی یەکەمی 1998 بەهۆی هەڕەشەکانی تورکیا بۆ سەر سوریا، دیمەشقی بەجێهێشت و ڕوی لە یۆنان و ئیتالیا و ڕوسیا کرد، بەڵام هیچکام لەو وڵاتانە ئامادەنەبون مافی پەنابەرێتی بدەن بۆیە بە ناچاری چوە کینا و دواجار لەوێ لە 15ـی شوباتی 1999دەستگیر کرا و برایەوە بۆ تورکیا. 

عەبدوڵا ئۆجەلان لە ماوەی ئەو 26 ساڵەدا، زۆرترین گۆشەگیریی خراوەتە سەر و چەندین جار لە مافی چاوپێکەوتن لەگەڵ پارێزەر و بنەماڵەکەی بێبەش کراوە، بەڵام بەردەوام پڕۆژەی چارەسەری ئاشتییانەی پرسی کوردی پێشنیاز کردوە.

بە بڕوای چاودێرانی سیاسی دوای ئەوە ماوە زۆرە، دەوڵەت و سەرکردە نەتەوەپەرەستەکانی تورکیا، لەوە تێگەیشتن کە بەبێ ئۆجەلان، پرسی کورد لە باکوری کوردستان چارەسەر نابێت و لە ئێستاشدا زۆبەی لایەنە سیاسیەکانی تورکیا و ڕای گشتی کوردستان، چاوەڕێی بانگەوازەکەی ئەون بۆ دەستپێکردنەوەی پڕۆسەی ئاشتی...