د. کامەران رەسوڵ ژاژڵەیی، پسپۆڕی زانستی خۆراک، لەچەند خاڵێکدا هۆکارەکانی خەواڵویی و شەکەتی دوای بەربانگ روندەکاتەوە، هەروەها شێوازی چارەسەرکردنیشی دەخاتەڕو.

بە گشتی هۆکارەکان ئەمانەن:

- خواردنی بڕێکی زۆر خۆراکی چه‌وری و شیرینی بەپه‌له‌ و خێرایی له‌ کاتی به‌ربانگ .

- دابه‌زینی فشاری خوێن پاش خواردنی ژه‌مه‌کان، چونکه‌ بڕێکی زۆر خوێنی له‌ش ئه‌ڕوات بۆ گه‌ده‌ و کۆئه‌ندامی هه‌رس

- دابه‌زینی ئاستی دابه‌زینی شه‌کره‌ له‌ خوێندا، یه‌که‌م جار ئاستی گلوکۆز به‌رز ده‌بێته‌وه‌ به‌خێرایی و دوای که‌مێک داده‌به‌زێت به‌ هۆی ڕشتنی بڕێکی زۆر له‌ ئه‌نسۆلین.

- هیلاک بون له‌ ماوه‌ی ڕۆژدا کاتی به‌ڕۆژبوون.

- کۆنیشانه‌ی پڕبوونی گه‌دده‌ دوای نان خواردن.

- وشکبوونه‌وه‌ی له‌ش به‌ هۆی نه‌خواردنه‌وه‌ی بڕی پێویست له‌ ئاو و شله‌مه‌نی ته‌ندروست.

ـ که‌می جوڵه‌ و دانیشتن یان پاڵ که‌وتن و وه‌رزش نه‌کردن له‌ ڕۆژانی ڕه‌مه‌زان.

- که‌می ڤیتامین و کانزا و به‌دخۆراکی.

- هۆکاری ده‌رونی: فشار و دڵه‌ڕاوکی و قه‌له‌قی به‌رده‌وام و دۆخی قه‌یراناوی یان خه‌مۆکی.

ـ خواردنی ده‌رمانی فشاری خوێن و نه‌خۆشی شه‌کره‌ و نه‌خۆشیه‌کانی تر به‌ شێوازێکی هه‌ڵه‌.

- بونی هۆکاره‌کانی شه‌که‌تی و بێهێزی به‌رده‌وام پێش هاتنی مانگی ڕه‌مه‌زان، وه‌ک تێکچونی هۆرمۆنه‌کان، که‌م خوێنی.


نیشانه‌کانی خه‌واڵویی و بێهێزی دوای به‌ربانگ:

 
ـ هه‌ستکردن به‌ بێهێزی و بێتاقه‌تییه‌کی زۆر ڕاسته‌وخۆ پاش به‌ربانگ

- سه‌رئێشه‌ و گێژبون و هه‌ستکردن به‌ سه‌ر سوڕانه‌وه.

ـ ته‌مه‌ڵی و نه‌بونی توانای ئه‌نجامدانی هیچ کارێک

- خه‌واڵویی و باویشک دانه‌وه‌ی بەردەوام

- زو هیلاکبون دوای که‌مترین جوڵه‌.

ـ له‌رزین و ئاره‌ق کردنه‌وه‌ و دڵ په‌له‌ په‌ل کردن.

شێوازیی چاره‌سکردنی خه‌واڵویی و شه‌که‌تی و بێهێزی دوای به‌ربانگ:

 
ـ ده‌ستنیشان کردنی هه‌ر هۆکارێکی نه‌خۆشی و چاره‌کردنی به‌ پێی توانا

ـ به‌ په‌یڕه‌وکردنی ڕێنماییه‌ گشتییه‌کانی خۆراکی ته‌ندروست بۆ ڕۆژوی مانگی ڕه‌مه‌زانی پیرۆز.