بارستەهەوایەكی جەمسەریی سارد، بەبەفر و بارانەوە رو لە ناوچەكە دەكات و دەستەی كەشناسیی عێراق  هۆشداریی دەدات.


هەواڵ: (KNNC)


دەستەی گشتیی كەشناسیی عێراق بڵاویكردەوە؛ بەپێی پێشبینییەكانی كەشوهەوا بارستە هەوایەكی جەمسەریی زۆر سارد رو لە عێراق و ناوچەكە دەكات، كەبەهۆیەوە پلەكانی گەرما بەشێوەیەكی بەرچاو دادەبەزن، هاوكات بەفر و بارانێكی زۆریش دەبارێت.

رونیكردەتەوە، شەپۆلەكە لە رۆژی شەممەوە و لە باكور و باكوری رۆژئاوای عێراق دەستپێدەكات و تەواوی پارێزگا و ناوچەكانی دیكەی عێراق دەگرێتەوە و تا ناوەڕاستی هەفتەی داهاتو كاریگەرییەكانی بەردەوام دەبێت و نزمترین ئاستی پلەكانی گەرما لە تەواوی وەرزی زستانی ئەمساڵ تۆماردەكرێت.

دەستەی گشتیی كەشناسیی عێراق ئاماژەی بۆ ئەوەكردوە، چاوەڕواندەكرێت لە رۆژی شەممەی داهاتوەوە، لەسەر ناوچە شاخاوییەكانی سنوری پارێزگای هەولێر و بەرەبەیانی رۆژی یەكشەممەش لەناو سەنتەری شارەكانی سلێمانی، دهۆك بەفر  ببارێت.