به‌رێوه‌به‌رایه‌تی حه‌ج و عومره‌ی هه‌رێم ئاگاداری كۆمپانیاكات دەكاتە كە به‌مه‌به‌ستی واژوكردنی گرێبه‌ستەكانیان، سه‌رجه‌م ئه‌و كۆمپانیایانەی ناویان بۆ وه‌رزی حه‌جی (2025) به‌رامبه‌ر به‌ (1446) كۆچی ده‌رچوه‌ به‌زوترین كات سه‌ردانیان بكەن و دوا كاتیش رۆژی پێنجشەممەیە، بەپێچەوانەوە كۆمپانیای یەدەگ دەخرێتە شوێنیان.

هەواڵ: (KNNC)


به‌رێوه‌به‌رایه‌تی گشتی حه‌ج و عومره‌ی هه‌رێمی كوردستان بڵاویكردەوە؛ به‌مه‌به‌ستی واژوكردنی گرێبه‌ستەكانیان، سه‌رجه‌م ئه‌و كۆمپانیایانەی ناویان بۆ وه‌رزی حه‌جی (2025) به‌رامبه‌ر به‌ (1446) كۆچی ده‌رچوه‌ به‌زوترین كات سه‌ردانی به‌شی یاسایی به‌رێوه‌به‌رایه‌تی گشتی حه‌ج و عومره‌ی كوردستان بكه‌ن.


دەشڵێت: دواكات بۆ سه‌ردانكردنی كۆمپانیاكان رۆژی پێنجشه‌ممه‌ (2025/2/20) ده‌بێت و هه‌ر كۆمپانیایه‌ك دوابكه‌وێت مافی به‌شداریكردنی نامێنێت و كۆمپانیایه‌كی یه‌ده‌گ له‌ شوێنی داده‌نرێت.


به‌رێوه‌به‌رایه‌تی حه‌ج و عومره‌ی هه‌رێم ئاماژەی بۆ ئەوەشكردوە؛ ئه‌و كۆمپانیانه‌ی كه‌ گرێبه‌ستی عومره‌یان نه‌كردوه‌ پێویسته‌ بڕی پێنج هه‌زار دولار وەك بارمتە له‌گه‌ڵ خۆیان بهێنن.