وەزارەتی دەرەوەی روسیا ئەو ئاگربەستە كاتییەی پاریس و کیێڤ پێشنیاریان
کردوە بەتەواوی رەت دەكاتەوە.
هەواڵ: (KNNC)
ماریا زاخارۆڤا، وتەبێژی وەزارەتی دەرەوەی روسیا رایگەیاند: هەر
ئاگربەستێکی کاتیی کەڕێگە بەهێزەکان بدات ریزەکانیان
"رێکبخەنەوە" رەت دەكەنەوە، چونکە دەبێتە هۆی ئەوەی ئەنجامی خوازراو
پێچەوانە ببێتەوە، بۆیە پێویستە بگەنە رێککەوتنی تۆکمە و چارەسەری کۆتایی.
وتیشی: وڵاتانی رۆژئاوا بۆ ئەو جەنگەی کە سێ ساڵ لەمەوبەر سەریهەڵدا،
ئاشتی بۆ ئۆکرانیا لە شەڕ بەخراپتر دەزانن.
وتەبێژی وەزارەتی دەرەوەی روسیا راشیگەیاند: دەتوانرێت قەیرانی
ئۆکرانیا لە ماوەی چەند هەفتەیەکدا چارەسەر بکرێت، بەڵام بەئەو مەرجەی رۆژئاوا دەست
لە دابینکردنی چەک بۆ کیێڤ بهێنێت.
203 جار خوێندراوەتەوە