ماوەى دوو هەفتەیە شاندى تەکنیکى نێوان هەرێم و ناوەند لە بەغداد سەرقاڵن، تایبەت بە پرسى موچە و خانەنشینان و داهاتى ناوخۆ چەند کارێکیان کردوە، پێش ئەوەى ئێوارەى ئەمڕۆ بگەڕێنەوە هەرێمى کوردستان کەى ئێن ئێن کارەکانى ئەم ماوەیەی شاندەکە ئاشکرا دەکات.

بەدواداچون:KNNC

بەپێی ئەو زانیارییانەى کەى ئێن ئێن لەڕێی ئەندامێکى دارایی هەرێم لە شاندەکە زانیویەتى:

یەکەم/  لیستی موچەی مانگی یەک کراوە بەبنەما؛ تەنها ئەم گۆرانکارییانەی تێدا کراوە
-هەر فەرمانبەرێک مۆڵەت بوبێت و  دواتر گەرابێتەوە داخڵی لیستەکە کراوە؛ یاخود یوپی ئێن یان بەهۆی هەر زانیارییەکی دیکەوە ناوی لە لیستی مانگی یەکدا نەبوبێت داخڵی لیستی مانگی دو کراوە.

دوەم/ ئەو خانەنشینانەی کە لەدوای ساڵی 2014 وە تا 2024 خانەنشینبون لە لیستی موچەی مانگی پێنج یان شەش-ەوە بەرێژیەك  کە3٪ لە موچەکەیان دەبڕدرێت.

سێهەم / داهاتی ناوخۆ لەدوای هەمو 10ـی مانگێک وەزارەتەکان خەرجی  و داهات دەگەرێننەوە، بۆیە لەدوای هەمو15ـی مانگێک لە 50٪ ی داهاتی نانەوتی ناوخۆ دەگەرێنەوە.

هەروەک کەى ئێن ئێن زانیویەتى؛ لەبارەی دوو ملیار و 600 ملێون دۆلارەکەی داهاتی نەوتی ساڵی 2024 شاندێکی وەزارەتی سامانەسروشتیەکان خشتەی خەرجکردنی ئەو پارەیەی ئاڕاستەی وەزارەتی نەوتی عێراق کردوە.

بڕیارە تا کۆتایی هەفتەى داهاتو،  50%ـى داهاتی ناوخۆی مانگی دوو رەوانەی بەغداد بکرێت و تا کۆتایی هەمان کاتیش لیستى موچى مانگى سێ رەوانەى بەغداد دەکرێت.



بەدواداچون/ بڕیار نامیق