وەزیری بەرگریی ئیسرائیل، پابەندبونی نەگۆڕی وڵاتەکەی بۆ ڕێگریکردن لە بەدەستهێنانی چەکی ئەتۆمی لەلایەن ئێرانەوە دوپات کردەوە و دەڵێت: هەرچی پێویست بێت دەیکەن بۆ ئەوەى ڕێگریی لە تاران بکەن.

هەواڵ:KNNC

یسڕائیل کاتز، وەزیری بەرگریی ئیسرائیل لە ڕاگەیەندراوێكدا بڵاوی كردەوە: لەگەڵ بنیامین نەتانیاهۆ، سەرۆک وەزیرانی ئیسرائیل و هەمو لایەنە پەیوەندیدارەکان، پابەندن بە ڕێگریکردن لە ئێران بۆ دەستکەوتنی چەکی ئەتۆمی.

ئاماژەی بەوەش كردوە: لە پۆستەکەیدا ئامانجی ئەوەیە ڕێگری لە ئێران بکات بۆ بەدەستهێنانی چەکی ئەتۆمی و سەرکەوتنی وڵاتەکەی لە شەڕەکەدا. 

وەزیری بەرگریی ئیسرائیل باسیلەوەش كردوە، ئەوە بەرپرسیارێتیی ئەوانە و ئەرکی مێژوییانە، هەرچی پێویست بێت دەیکەن بۆ ئەوەى ئێران نەبێتە خاوەنى چەکى ئەتۆمى.