وەزارەتی دارایی و ئابوری حکومەتی هەرێم بڵاویکردەوە، کە لیستی موچەی مانگی (نیسان)یان ڕادەستی فەرمانگەی ژمێریاری وەزارەتی دارایی حکومەتی فیدراڵ کردوە.

هەواڵ:KNNC

لە راگەیەندراوەکەی وەزارەتی دارایی ئەوە هاتوە، جگە لە لیستی موچە، رۆژی یەکشەممە (20ی نیسان) راپۆرتی تەرازووی پێداچوونەوەی مانگی ئازار (میزان المراجعة) و ڕاپۆرتی کۆتایی ساڵی (2024) (الحسابات الختامیة) لەلایەن بەڕێوبەرایەتی گشتی ژمێرکاری وەزارەتی دارایی و ئابوورییەوە بۆ فەرمانگەی ژمێریاری وەزارەتی دارایی حکومەتی فیدراڵ نێردراوە.

هەر ئەمڕۆ سێشەممە وەزارەتی دارایی حکومەتی هەرێم بڕی (48 ملیار و 205 ملیۆن و 765 هەزار دینار)ـی بەشێوەی کاش خستوەتەسەر هەژماری وەزارەتی دارایی فیدراڵ، ئەوەش وەک داهاتی نانەوتی بۆ مانگی (ئازار).