سندقی دراوی نێودەوڵەتی پێشبینی دەکات، لەمساڵدا ئابوری عێراق بەشێوەیەکی مەترسیدار دابەزین تۆماربکات، ئەویش بەهۆی ئەو جەنگە بازرگانییەی ئێستا لە جیهاندا دروست بوە.

ئابوری:KNNC

بەپێی راپۆرتێکی سندوقی دراوی نێودەوڵەتی، پێشبینی دەکرا گەشەی ئابوری جیهان لەمساڵدا کە 3.6% بێت، بەڵام بەهۆی سەپاندنی باجەکانی دۆناڵد ترەمپ پێشبینییەکان بۆ گەشەی ئابوری جیهان دابەزیوە بۆ 2.8%.

سەبارەت بە عێراق، سندوقی دراوی نێودەوڵەتی پێشبینیکردوە، گەشەی ئابوری وڵاتەکە دابەزینی بەرچاو تۆماربکات و یەکێک دەبێت لەو وڵاتانەی زۆرترین کاریگەری جەنگی ئابوری لەسەردەبێت.

سندوقی دراوی نێودەوڵەتی پێشبینی دەکات، ئەمساڵ و ساڵی داهاتو هەڵاوسانی جیهانی بەردەوام دەبێت لە دابەزین، ئەم گرژییە بازرگانیانە کاریگەرییەکی بەرچاویان لەسەر بازرگانی جیهانی دەبێت، پێشبینی دەکرێت گەشەی بازرگانی جیهانی زیاتر لە نیوە دابەزێت، لە ساڵی ڕابردوو 3.8% بۆ 1.7% لەمساڵدا.