لە ویلایەتى بەنگال لە
هیندستان دوو شەمەندەفەر پێکیانداداوە و لانیکەم 15 کەس گیانیان لەدەستداوە، تا
ئێستاش رزگارکردنى سەرنشینان بەردەوامە.
هەواڵ:KNNC
ماماتا بارنجى، سەرۆک
وەزیرانى ویلایەتى بەنگال لە هیندستان رایگەیاند؛ شەمەندەفەرێکى بارهەڵگر و شەمەندەفەرێکى
نەفەرهەڵگر لە بەنگال پێکیانداداوە و روداوەکەشى بە "کارەسات" ناوبردوە.
ئاماژە بۆ ئەوەشکراوە کە لە ئێستادا تیمەکانى
فریاکەوتن و پزیشکان و تیمى روبەڕوبونەوەى کارەساتەکان رەوانەى شوێنى روداوەکە
کراون و سەرقاڵى رزگارکردنى گیانى سەرنشینانى شەمەندەفەرە نەفەرهەڵگرەکەن.
لەبارەى ژمارەى قوربانیانى روداوەکەوە، پۆلیسى
هندستان دەڵێت: لانیکەم 15 کەس گیانیان لەدەستداوە و نزیکەى 25 بۆ 30 کەسیش
بریندارن و رزگارکردنى سەرنشینانیش تا ئێستاش بەردەوامە.
249 جار خوێندراوەتەوە