رۆژنامەیەکی تورکی ئاشکرای دەکات دو وەفدی سەربازیی سوریا و تورکیا بە نێوەندگیری روسیا، کۆبونەوەیان لە بنکەی سەربازیی "حەمیم"ی ئاسمانی ئەنجامداوە و بڕیارە هەفتەی داهاتوش لە بەغداد کۆببنەوە.

هەواڵ:KNNC

رۆژنامەیAydınılıkی تورکی بڵاویکردەوە، رۆژی (11)ی ئەم مانگە بەرپرسانی سەربازیی تورکیا و سوپای سوریا لە بنکەی سەربازیی حەمیمی روسی لە باشوری رۆژهەڵاتی لازقییە کۆبونەوەتەوە و هەردولا تاوتوێی دۆخی شاری ئیدلبیان کردوە.

بەشێکی دیکەی گفتوگۆکان تایبەت بوە بە رێکخستنی کۆبونەوەیەک لە نێوان ڤلادیمێر پوتینی سەرۆکی روسیا و هاکان فیدانی وەزیری دەرەوەی تورکیا.

بەپێی زانیارییەکانی رۆژنامەکە، ئەوە یەکەمین کۆبونەوەی لەو جۆرەیە لە نێوان هەردو وڵات بۆ ئاساییکردنەوەی پەیوەندییەکانی نێوان تورکیا و سوریا بە نێوەندگیری روسیا و بڕیاریشە کۆبونەوەی داهاتوی نێوانیان لە بەغدادی پایتەختی عێراق ئەنجام بدرێت.

سوریا دەیەوێت بگات بە رێککەوتن بۆ ئەوەی کۆنتڕۆڵی تەواوی ناوچەکان بەدەستبهێنێتەوە بەتایبەت لە ناوچە سنورییەکان.