گروپى مقاوەمەى ئیسلامى عێراقى ئاشکرایکرد، رۆژى رابردو دوو ئامانجیان لە ئیسرائیل بە موشەکى جۆرى ئەلئەرقەب
پێکاوە و جەختیش لە بەردەوامیی هێرشەکانیان دەکەنەوە.
هەواڵ:KNNC
گروپەکە لە بەیاننامەکەدا
دەڵێن: لە درێژەدانمان بە رێبازى بەرەنگاربونەوەى هێزى داگیرکەر و بۆ پشتیوانى لە
سەرکەوتنى گەلەکەمان لە فەلەستین و لوبنان و لە وەڵامى ئەو کۆمەڵکوژیانەى قەوارەى داگیرکەر
دژى ژن و منداڵ و بەساڵاچوان ئەنجامیدەدات بەرەبەیانى رۆژى رابردو؛ دوو ئامانجمان لە ئیسرائیل پێکاوە.
بەپێی بەیاننامەکەى
گروپى مقاوەمەى عێراقى هێرشەکانیان بە موشەکى ئەلئەرقەب، ناسراو بە کروزى پێشکەوتو
ئەنجامداوە، یەکەم هێرشیان بۆسەر باکورى حەیفا و دوەمیشیان لە باشورى
شارەکە ئەنجامداوە.
جەختیشکراوەتەوە کە
هێرشەکانیان بۆ لەناوبردنى دوژمنان بەشێوەیەکى بەردەوام درێژەى دەبێت، لەگەڵیشیدا
گرتەى هێرشەکانیان و هەڵدانى موشەکەکانیان بڵاوکردوەتەوە.
پێشتریش لە رۆژى
پێنجشەممە هەمان گروپ هێرشێکیان بۆسەر ئامانجێکى ئیسرائیل ئەنجامدا لەڕێی فڕۆکەى
بێ فڕۆکەوانەوە کە بوەهۆى کوژرانى دوو سەرباز و برینداربونى 23ـى دیکە.
599 جار خوێندراوەتەوە