رۆژنامەی ئورشەلیم
رایدەگەیەنێت: مقاوەمەی ئیسلامی عێراقی هێرشی كردوەتە سەر بنكەكانی سوپا، ئەوەش
ترس و نیگەرانی لای خەڵكی ئیسرائیل دروستكردوە.
هەواڵ: (KNNC)
لەڕاپۆرتێکدا رۆژنامەی ئۆرشەلیم
پۆستی ئیسرائیلی، بڵاویكردوەتەوە؛ لەگەڵ فراوانبونی هێرشەكانی سوپا بۆسەر بنكە و
بارەگاكانی حزبوڵای لوبنان و هەمو ئەو شوێنانەی كە هێرشی موشەكی دەكەنە سەر وڵات،
مقاوەمەی ئیسلامی عێراقیش بە موشەك هێرشی كردوەتە سەر بنكەكانی سوپا، ئەوەش ترس و
نیگەرانی لای خەڵكی ئیسرائیل دروستكردوە.
رونیكردوەتەوە، لەچەند
رۆژی رابردودا مقاوەمەی ئیسلامی عێراق لەڕیگەی دو فڕۆكەی بێفڕۆكەوانەوە هێرشیان
كردە سەر شاری عیلات لە باشوری ئیسرائیل كە بەهۆیەوە دو هاوڵاتی برینداربون و
زیانی مادی بە شوێنەكە گەیاندوە.
لە ڕاپۆرتەکەدا کە لەلایەن
ئاژانسی مەعلومە وەرگێڕدراوە و تێیدا هاتووە، “فراکسیۆنەکانی بەرخۆدانی عێراق دوو
فڕۆکەی بێفڕۆکەوانیان ئاراستەی شاری عیلات لە باشووری ئیسرائیل کرد و کاریگەرییان
لەسەر بەندەرەکە دروستکرد و زیانی ماددی لێکەوتەوە و دوو کەسیش برینداربوون”.
ئەوەیخستوەتەڕو، ساڵی
رابردو، مقاوەمەی ئیسلامی لە عێراق بەرپرسیارێتی (170) هێرشی بۆ سەر ئامانجەکانی ئیسرائیل
ئەنجامداوە کە زیاتر لە (70%)ـی هێرشەكان تەنها لە مانگی ئەیلولی ساڵی (2024) بوە،
ئەوەش جێگەی مەترسییە، هێرشەكانی زیاتر دەبن.
797 جار خوێندراوەتەوە