تۆڕی هەڵبژاردن لە جیهانی
عەرەبی ڕایگەیاند، لەبەر ئەوەی هەڵبژاردن مافێکی سەرەتایی و گرنگی مرۆڤە
بۆ بەشداریکردن لە بەڕێوەبردنی کاروباری حکومەت ئەوا بڕیاریانداوە بەشدار بن لە
چاودێریکردنی بەڕێوەچوی هەڵبژاردنی پەرلەمانی کوردستان.
هەواڵ:KNNC
تۆڕەکە ئاماژەی بەوەشکردوە
دوای ئەوەی لێکۆڵینەوەیان لە هەلومەرجی پڕۆسەی هەڵبژاردنی پەرلەمانی کوردستان کردوە
و دڵنیابون لەوەی کە بەگوێرەی ستانداردە نێودەوڵەتیەکان گەرەنتی کراوە، بڕیاری بەشداریکردنیان
داوە و تا هەوڵێک بێت بۆ بەدیهێنانی شەفافیەت و دادپەروەری هەڵبژاردن.
ئەوەیشی خستوەتەڕو تۆڕەکەیان ئامانجی بەرجەستەکردنی دیموکراسی و
پێشکەشکردنی ئەزمونێکی پێشکەوتوە لە دامەزراندنی حوکمڕانیەکی باش
کە ماف و ئازادییەکانی تاک بە گشتی بەرجەستە بکات.
بەگوێرەی کۆمسیۆنی باڵای
سەربەخۆی هەڵبژاردنەکانی عێراق، 14 باڵیۆزخانە و 14 ڕێکخراوی نێودەوڵەتی، لەرێگەی هەزار و 655 چاودێرەوە، بەشدار دەبن لە چاودێری کردنی هەڵبژاردنەکانی خولی شەشەمی پەرلەمانی کوردستان.
94 جار خوێندراوەتەوە