مقاوەمەى ئیسلامى لە عێراق ئەنجامدانى
هێرشێکیان بۆسەر "ئامانجێکى گرنگ" لە باشورى ئیسرائیل راگەیاند و جەختیش
لەسەر بەردەوامیی هێرشەکانیان دەکەنەوە.
هەواڵ:KNNC
مقاوەمەى ئیسلامى لە عێراق لە بەیاننامەیەکدا
رایگەیاند:" لە درێژەى رێبازەکەمان بۆ
روبەڕوبونەوەى داگیرکەر و پاڵپشتیکردنى گەلەکەمان لە فەڵەستین و لوبنان و لە
وەڵامى ئەو کۆمەڵکوژییەى کە دەرهەق بە منداڵ و ژن و بەساڵاچوان دەکرێت، بەیانى
ئەمڕۆ هێرشێکمان بە فڕۆکەى بێ فڕۆکەوان ئەنجامدا".
بەپێی بەیاننامەکەى مقاوەمە؛ هێرشەکەیان بەیانى
ئەمڕۆ بوە بۆسەر (ئوم ئەلرشراش) لە باشورى ئیسرائیل کە بە ئامانجێکى گرنگ ناویان
بردوە و هێرشەکەشیان بە فڕۆکەى بێ فڕۆکەوان ئەنجامداوە.
هەروەک جەختیش
کراوەتەوە کە هێرشەکانیان بەشێوەیەکى بەرفراوان بەردەوام دەبێت.
ئەمەش لەکاتێکدایە، هەر دوێنێ مقاوەمەى ئیسلامى
لە عێراق ئەنجامدانى هێرشێکیان بۆسەر باکورى ئیسرائیل راگەیاند و چەم هێرشانەشیان
چەندین مانگە وەک وەڵامێک بۆ هێرشەکانى ئیسرائیل لە غەززە بەردەوامییان هەیە.
390 جار خوێندراوەتەوە