لە كۆبونەوەی ئەنجومەنی پارێزگای كەركوك، پۆستی جێگری پارێزگاری كەركوك درا بە توركمانێكی دەرەوەی بەرەی توركمانی، هەریەك لە هاوپەیمانی عەرەبی و بەرەی توركمانیش ئەو هەنگاوە ڕەتدەكەنەوە.

هەواڵ:KNNC

ئەمڕۆ ئەنجومەنی پارێزگای كەركوك كۆبونەوەیەكی ئەنجامدا و لەو كۆبونەوەیەدا ( یاوز حەمید) لە پێكهاتەی توركمان وەك جێگری یەكەمی پارێزگاری كەركوك هەڵبژێردرا.

هاوپەیمانی عەرەبی لە كەركوك، لەڕاگەیاندراوێكدا بڵاوی كردەوە: كۆبونەوەكەی ئەنجومەنی پارێزگای كەركوك نایاساییە و دەرگا بەڕوی ناسەقامگیری دەكاتەوە، ئاماژەی بەوەدا لەبنەڕەتدا داوایەكی یاسایی هەیە دژی حكومەتی خۆجێی كەركوك و كۆبونەوەی ئەنجومەنی پارێزگاکە.

لای خۆیشیەوە، بەرەی توركمانی هەڵبژاردنی جێگری پارێزگاری كەركوكی ڕەت كردەوە و دەڵێت: هیچ كەسایەتیەكیان بۆ ئەو پۆستە كاندید نەكردوە.