دادگای باڵای فیدراڵی عێراق، هەفتەی داهاتو سێ دانیشتن ئەنجام دەدات و تاوتوێی 22 دۆسییە دەکات کە سیانیان پەیوەستن بە هەرێمی کوردستانەوە.

هەواڵ:KNNC

بە گوێرەی خشتەی دانیشتنەکانی دادگای باڵای فیدراڵی عێراق لە ڕۆژانی 23 و 24 و 25ـی ئەم مانگە دادگاکە دانیشتن ئەنجام دەدات و تاوتوێی 22 دۆسییە دەکات.

لە کۆی ئەو 22 دۆسییەی دادگاکە تاوتوییان دەکات، سێ دۆسیەیان پەیوەستن بە هەرێمی کوردستانەوە، لە دو سکاڵادا داوا کراوە وەزارەتەکانی ئەوقاف و شەهیدان بکرێن بە فەرمانگە و لە ڕوی کارگێڕی و داراییەوە سەربەخۆ بێت بەڵام بە حکومەتەوە بەستراوە بێت.

لە سکاڵایەکی دیکەشدا داواکراوە بەهۆی دەستوەردان لە سکاڵایەکیان بریارێکی هەریەك لە سەرۆکی دادگای پێداچونەوەی هەرێمی کوردستان و دادوەرێكی دادگای ڕەواندوز هەڵبوەشێتەوە.