کەمێک لەمەوبەر لە گەڕەکى بەکرەجۆى شارى سلێمانى تەرمى دوو خوشک بە کوژراوى دۆزرانەوە، نزیكەی كاتژمێرێك دوای ڕوداوەكەش تەرمی تۆمەتبارەكە بە كوژراوی دۆزرایەوە. 

هەواڵ:KNNC


سەرچاوەیەک لە پۆلیسى سلێمانى لەبارەى روداوەکەوە بە کەى ئێن ئێن،ى راگەیاند؛ تەرمەکان دوو خوشکن و لە گەڕەکى بەکرەجۆى شارى سلێمانى دۆزراونەتەوە، بەپێی زانیارییە سەرەتاییەکان یەکێک لە خوشکەکان لەدایکبوى ساڵى 2002 و ئەوى دیکەیان لەدایبکبوى ساڵى 2005ـە.

بەپێی زانیارییە سەرەتاییەکانى کەى ئێن ئێن لە پۆلیس وەریگرتوە، گوماندەکرێت تاوانەکە لەلایەن کەسێکى نزیکى ئەم خوشکانەوە ئەنجامدرابێت.

سەرچاوەیەكی ئەمنی بە پەیامنێری كەی ئێن ئێن ی ڕاگەیاند لەڕێگەی ئامێری جی پی ئێسەوە شوێنی تۆمەتبارەكەیان دۆزیوەتەوە بەڵام دوای گەیشتیان بە شوێنەكەی تەرمەكەیان دۆزیوەتەوە و گومان دەكرێت كۆتای بە ژیانی خۆی هێنابێت، لێكۆڵینەوەی پۆلیس و دەزگا ئەمنییەكان بەردەوامی هەیە.

سلێمانى/ بڕیار نامیق