کەشناسی عێراق ڕایگەیاند، لە هەفتەی داهاتوەوە شەپۆلێکی بارانبارین ڕو لە هەرێمی کوردستان و ناوچەکانی ناوەڕاستی عێراق دەکات، کەشناسی هەرێمیش دەڵێت، سەرەتای هەفتەی داهاتو ئاسمان پەڵە هەور دەبێت و پلەکانی گەرماش نزم دەبێتەوە.

هەواڵ:KNNC

کەشناسی عێراق ڕایگەیاند: سبەینێ لە سەرجەم ناوچە جیاوازەکانی عێراق و هەرێمی کوردستان لە نێوان هەور و نیمچە هەوردا دەبێت، ڕۆژی یەك شەممەش لە هەندێك لە ناوچەکانی ناوەڕاست تاوەباران بێت و لە هەرێمی کوردستانیش نمەباران دەستپێبکات.

کەشناسی عێراق ئاشکرایکرد: ڕۆژی دوشەممە لە هەرێمی کوردستان باران و هەورە بروسکە لە ناوچە شاخاوییەکان دەستپێدەکات.

لەلای خۆیەوە، کەشناسی هەرێمی کوردستانیش ڕایگەیاند: ئەمڕۆ ئاسمان ساماڵ و دەبێت و پلەکانی گەرماش یەك بۆ دو پلە بەراورد بە تۆمارکراوەکانی دوێنێ پێنجشەممە بەرزدەبێتەوە.

لەبارەی سبەینێ شەممەوە دەشڵێت: ئاسمان ساماڵ و نیمچەهەورە دەبێت و پلەکانی گەرماش کەمێك نزم دەبێتەوە بەراورد بە تۆمارکراوەکانی ئەمڕۆ هەینی.