راوێژکارێکی سەرۆک وەزیرانی عێراق رایگەیاندوە، موچەی پێنج هەزار و 200 کەس لە تۆڕی پاراستنی کۆمەڵایەتی ڕاگیراوە کە دەستەبەری کۆمەڵایەتییان هەیە.

هەواڵ:KNNC

سەنا موسەوی، ڕاوێژکاری سەرۆک وەزیرانی عێراق بۆ کاروباری چاودێری کۆمەڵایەتی ڕایگەیاندوە: موچەی پێنج هەزار و 200 کەس لە تۆڕی پاراستنی کۆمەڵایەتی راگیراوە بەهۆی ئەوەی ناویان لە دەستەبەری کۆمەڵایەتیدا هەبوە و تۆمارکراون.

وتیشی: لە هەردو کەرتی حکومی و تایبەت دەستەبەری کۆمەڵایەتی هەیە و پێویستە هۆشیاری و ڕێنمایی زیاتر بە کرێکارانی کەرتی تایبەت بدرێت بۆ ئەوەی لە چوارچێوەی یاسای دەستەبەری کۆمەڵایەتی خۆیان تۆماربکەن.

باسیشی لە گرنگی یاسای تۆڕی پاراستنی کۆمەڵایەتی کرد و وتی: تۆڕى پاراستنى کۆمەڵایەتی موچەیەکى هەمیشەیى نیە بەڵکو هاوکارییە، ئەگەر گەنجێک کاری بۆ بدۆزرێتەوە و ڕەتیبکاتەوە، موچەی تۆڕى پاراستنى کۆمەڵایەتییەکەی دەبڕدرێت.