تێکەڵکردنى مۆز لەگەڵ شیر کە بە (شیرمۆز) ناسراوە یەکێکە لە رێگە باوەکان و زۆرێک لە گەورە و منداڵانیش حەزیان پێیەتی، بەلەبەرچاوگرتنی بەها خۆراکییە سەرنجڕاکێشەکانیان، سودی تەندروستییان هەیە، بەڵام ئاگاداری کاریگەرییە لاوەکییەکانیشیان بە.


تەندروستی:KNNC


سودەکانی تێکەڵکردنی مۆز لەگەڵ شیر؛

- رێژەیەکی زۆری ماددە خۆراکییەکانی تێدایە؛ مۆز بڕێکی زۆر پۆتاسیۆم، ریشاڵ و ڤیتامینC و B6ـی تێدایە، لەهەمانکاتدا، شیر رێژەیەکی زۆر پرۆتین، کالسیۆم و ڤیتامین D، تێدایە، بە تێکەڵکردنیان پێکەوە ژەمە خۆراکێکی بەهێزیان لێبەرهەمدێت.


-کرداری هەرس چالاک دەکات؛ مۆز رێژەیەکی زۆر لە ریشاڵی خۆراکی تێدایە، هەرسکردنی ئاسانە و یارمەتی ریخۆڵەیەکی تەندروست دەدات، هەروەها شیر پرۆبایۆتیکی تێدایە، بەکتریا سودبەخشەکانی ناو ریخۆڵە چالاک دەکات، تێکەڵکردنی مۆز و شیر، ئاوساوی سک کەمدەکاتەوە و قەبزی ناهێڵێت.


- وزە بە جەستە دەبەخشێت؛ مۆز شەکری سروشتی وەک گلوکۆز و فرۆکتۆزی تێدایە و دەتوانێت یارمەتیدەر بێت بۆ ئەوەی وزەت بە خێرایی زیاد بکات، شیر رێژەیەکی بەرزی پرۆتینی تێدایە، دەتوانیت بۆ ژەمی بەیانیان مۆز لەگەڵ شیر تێکەڵ بکەیت، یارمەتیت دەدات بەدرێژایی رۆژەکە وزەت هەبێت.


- ماسولکەکان بەهێز دەکات؛ کاربۆهیدراتە سروشتییەکانی ناو مۆز و پرۆتینی ناو شیر، یارمەتیدەرن لەگەشەی ماسولکەکان.


- هەستی تێریت پێدەبەخشێت؛ رێژەی بەرزی ریشاڵ لە مۆزدا و تێکەڵکردنی لەگەڵ شیر بۆماوەیەکی درێژ هەستی تێریت پێدەبەخشێت و وادەکات دوربکەویتەوە لە زۆر خواردن.


کاریگەرییە لاوەکییەکانی تێکەڵکردنی مۆز لەگەڵ شیر؛


-زیان بە دڵ و جگەر دەگەیەنێت
- رەنگە ببێتە هۆی زیادبونی کێش؛ تێکەڵەی مۆز لەگەڵ شیر کالۆرییەکی زۆری تێدایە، بۆیە زیدەڕۆیی لە خواردنی دەبێتەهۆی زیادبونی کێش.


- زۆرجار دەبێتەهۆی دروستبونی کێشە بۆ گەدە؛ بەهۆی بونی شەکری لاکتۆز لە شیردا، رەنگە لە هەندێک کەسدا نیشانەکانی وەک سکچون و گرژبونی گەدەی بۆ دروستببێت، بەتایبەت لەو کەسانەی هەستیارییان بە لاکتۆز هەیە.

سەرچاوە/Health Shots