وتەبێژی دەزگای قەزایی ئێران، ئەسغەر جەهانگیر ئەمڕۆ رایگەیاند ئەو کچە خوێندکارەکەی کە بەهۆی داکەندنی جلەکانیەوە دەستگیرکرابو، لە  بەشی زانست و توێژینەوەی زانکۆی ئازادی لە تاران، ئازاد کراوە و رادەستی خێزانەکەیان کردوەتەوە

هەواڵ: KNNC

ئەسغەر جەهانگیر بە میدیاکانی وڵاتەکەی راگەیاندوە، دوای سەرنجدان و رەوانەکرنی بۆ نەخۆشخانە، دەرکەوتوە کە نەخۆشی دەرونی هەیە، رادەست بنەماڵەکەی کراوەتەوە و جەختیشی کردوەتەوە کە  هیچ دۆسییەیەکی یاساییان لەسەر تۆمار نەکردوە.

ئاهۆ مەریە خوێندکاری بەشی زانست و توێژینەوەی زانکۆی ئازادی تارانە، کە لە 12ی تشرینی دوەمی ئەمساڵ، بەهۆی ناڕەزایەتییەوە، لە ناو زانکۆ و  لەبەردەم خەڵکدا جلەکانی داکەند و بە جلی ژێرەوەوە دەسوڕایە و بەهۆیەوە دەستبەجێ دەستگیرکرا.

ئەم کارەی کۆماری ئیسلامی لە ناوخۆ و دەرەوەی وڵات دەنگدانەوە  و نیگەرانی بەرفراوانی لێ کەوتوەوە، هەروەها ڕێکخراوی لێبوردنی نێودەوڵەتی ئیدانەی ئەو دەستگیرکردنەی کرد و رایگەیاند بو، پێویستە بە زوترین کات خوێندکارە دەستگیرکراوەکە  ئازاد بکرێت.

 کچە خوێندکارەکە کە دوای ئەوەی  لەلایەن  ئەفسەرانی ئەمنیەوە دەبینرێت،  داوای لێ دەکرێت جلەکانی بگۆڕێت و شیاونین، ئەویش لە کاردانەوەیەدا تەواوی جلەکانی لادەبات و  ئەم کارەی کچە خوێندکارەوە بوە رۆژەڤی میدیا جهانییەکان و بەهۆی ئەو کارەیەوە دەستگیرکراو و بۆ ماوەیەکی زۆر هیچ هەواڵێکی نەبو.