حیزبوڵای لوبنان رایگەیاند، بنکەیەکی هەواڵگری سەربازی ئیسرائیلیان لە نزیک شاری تەلئەبیب بۆردومانکردوە و چەند شوێنێکی دیکەشیان کردوەتە ئامانج.

هەواڵ:KNNC

ئێوارەی ئەمڕۆ حیزبوڵای لوبنان رایگەیاند، بنکەی هەواڵگری سەربازی (گلیلۆت)ـیان لە ناوەندی تەلئەبیب بە ژمارەیەک موشەک بۆردومان کردوە.

ئاماژەی بەوەشکردوە، بە موشەک و تۆپ سەربازانی ئیسرائیلیان لە دەوروبەری چوار شارۆچکەی سنوری بەئامانج گرتوە.

بنکەی گلیلۆت (بارەگای یەکەی هەواڵگری سەربازیی ئیسرائیلە.

لە رۆژی یەکشەممەوە تا ئەمڕۆ، سوپای ئیسرائیل زیاتر لە 150 هێرشی بۆسەر ئامانجەکانی حیزبوڵای لوبنان لە سەرتاسەری لوبنان ئەنجامداوە و 25 کۆگای چەک و نزیکەی 30 شوێنی هەڵدانی موشەکی بە ئامانج گرتوە.
هاوکات هەفتەی رابردو، حیزبوڵای لوبنان نزیکەی 400 موشەکی ئاڕاستەی ئیسرائیل کردوە.