سەرۆکوەزیرانی ئیسرائیل رایگەیاند، پاداشتی پێنج ملیۆن دۆلار پێشکەش بە هەرکەسێک دەکەن کە بارمتەیەکیان لە غەززەوە بۆ بگەڕێنێتەوە.

هەواڵ:KNNC

بنیامین ناتانیاهۆ، سەرۆکوەزیرانی ئیسرائیل گرتەیەکی ڤیدیۆیی بڵاوکردوەتەوە و دەڵێت: "پاداشتی پێنج ملیۆن دۆلار پێشکەشی هەرکەسێک دەکەین کە بارمتەیەک کە لە غەززە دەستبەسەر کراوە بەسەلامەتی رزگاری بکات".

دەشڵێت: هەرکەسێک بارمتەیەکی ئیسرائیلی لەدەست بزوتنەوەی حەمماس رزگاربکات، رێگەیەکی سەلامەت بۆ دەرچون لە غەززە بۆ خۆیی و خێزانەکەی دابین دەکەین، هەروەها لەبەرامبەر ئازادکردنی هەر بارمتەیەکی پێنج هەزار دۆلار دەبەخشین.

لەکاتی هێرشکردنەسەر غەززە، لەلایەن سوپای ئیسرائیلەوە، لە حەوتی ئۆکتۆبەر 2023، چەکدارانی فەڵەستینی 251 کەسیان لە باشوری ئیسرائیلەوە بە بارمتەگرت، بەرپرسانی ئیسرائیل دەڵێن، 97 ئیسرائیلی هێشتا لە غەززەن، 34 بارمتەش گیانیان لەدەستداوە.