قۆناغە سەرەکیەکەی سەرژمێری گشتی دانیشتوان دەستیپێکرد هاوڵاتییان له‌ ماڵه‌كانیاندا ماونەتەوە و چاوه‌ڕوانی تیمی سه‌رژمێری ده‌كه‌ن بۆ تۆمارکردنی ناوی خێزانەکانیان و بۆ سەرکەوتنى پرۆسەکەش 48 کاتژمێر قەدەغەى هاتوچۆیە.

هەواڵ:KNNC

ئەمڕۆ قۆناغە چڕەکەی سەرژمێری گشتی لە عێراق و هەرێمی کوردستان و ناوچە دابڕێنراوەکان دەستیپێکرد، بۆ ئەو مەبەستەش قه‌ده‌غه‌ی هاتوچۆ ڕاگه‌یه‌ندراوه‌، هاوڵاتیان لە ماڵەکانیان ماونەتەوە چاوەڕوانی سەردانی تیمەکانن.

ئەمڕۆ و سبەینێ بژمێرەکان لەگەڵ خێزانەکان دادەنشین و زانیارییەکان بە کارتی نیشتمانی بەراورد دەکەن، و دوبارە دڵنیا دەبنەوە لەو زانیاریانەی رۆژانی 16 بۆ 19مانگ تۆماریان کردبو. 

پڕۆسەی سەرژمێری بەردەوام دەبێت و لە ڕۆژانی دواتر قۆناغێکی دیکە لە 22ی مانگ تاوەکو 10ی مانگی کانونی یەکەم بەڕێودەچێت و ئەویش 70 پرسیارە، کە بژمێرەکان ئاڕاستەی چەند ماڵێکی دەکەن وەک سامپلی هەر گەڕەکێک، بەمەش رۆژی 10ی مانگی داهاتو کۆتايی بە پڕۆسەی سەرژمێری دێت.