زێڕ بەرزترین نرخی لەماوەی ئەم هەفتەیەدا تۆمارکرد و ئۆنسەیەک گەیشتە 2688 دۆلار.

ئابوری:KNNC

ئەمڕۆ هەینی لەگەڵ کردنەوەی بازاڕە داراییەکان، نرخی زێڕ بەڕێژەی 0.7% بەرزبوەوە و گەیشتە 2688.70 دۆلار بۆ هەر ئۆنسەیەک.

لەم هەفتەیەدا، نرخی زێڕ بەرێژەی 5% بەرزبوەتەوە، ئەوەش بەرزترین ئاستە لەمانگی تشرینی یەکەمی ساڵی 2023 تا ئێستا تۆماری کردبێت.

هەروەها، نرخی ئایندەی زێڕی ئەمریکا بەڕێژەی 0.6% بەرزبوەوە و گەیشتە 2691 دۆلار بۆ هەر ئۆنسەیەک.

دۆخی رۆژهەڵاتی ناوەڕاست و فراوانبونی گرژییەکانی نێوان روسیا و ئۆکرانیا، لە هۆکارە سەرەکییەکانی بەرزبونەوەی نرخی زێڕـن لە جیهاندا، بەوپێیەش لەکاتی زیادبونی گرژییە جیۆپۆلەتیکی و مەترسییە ئابورییەکان نرخی زێڕ بەرزدەبێتەوە.

سەبارەت بە کانزاکانی دیکەش، زیو لە مامەڵەی سپۆت بە ڕێژەی 0.6% زیادیکردوە و گەیشتوەتە 30.97 دۆلار بۆ هەر ئۆنسەیەک، پلاتینیش بە هەمان ڕێژەی بەرزبوەتەوە بۆ 966.14 دۆلار، لە بەرامبەردا پالادیۆم بە ڕێژەی 1.1% بەرزبوەتەوە و بۆ هەر ئۆنسەیەک 1040.58 دۆلارە.