حەوتەمین گفتوگۆی نێودەوڵەتی بەغداد، بەرێوە دەچێت، سەرۆکی هەرێمی کوردستان بە سەردانێكی فەرمی و بۆ بەشداریکردن لە گفتوگۆکە گەیشتە بەغداد و لەگەڵ چەند بەرپرسێکی دیکەی عێراقیش کۆدەبێتەوە.

هەواڵ:KNNC

حەوتەمین گفتوگۆی نێودەوڵەتی بەغداد لە پایتەختی عێراق بە ئامادەبونی 100 کەسایەتی دیاری عێراق و جیهان، بەڕێوە دەچێت و سبەینێش بەردەوام دەبێت.

هاوکات، بەیانی ئەمڕۆ، نێچیرڤان بارزانی، سەرۆکی هەرێمی کوردستان، بە سەردانێكی فەرمی گەیشتە بەغداد بە مەبەستی بەشداریکردن لە کۆنگرەکە و بڕیارشە وتارێك پێشکەش بکات.

پەیمانگای عێراق بۆ دیالۆگ بەسەرپەرشتیی محەمەد شیاع سودانی، سەرۆك وەزیرانی عێراق، گفتوگۆکەی ڕێك خستوە لەژێر ناونیشانی پەیوەندییەکان لەپێناو گەشەپێدان و سەقامگیریی هەرێمیی، لە گفتوگۆ نێودەوڵەتییەکەشدا، باس لە بەرژەوەندیی گەلانی ناوچەکە دەکرێت و پرسی ئابوری و نەوتـیش تاوتوێ دەکرێت.

هاوکات، بڕیاریشە نێچیرڤان بارزانی لە سەردانەکەیدا بۆ بەغداد، زنجیرەیەك دیدار و کۆبونەوەش لەگەڵ سەرۆکوەزیرانی عێراق و ژمارەیەک بەرپرسی باڵای عێراق ئەنجامبدات.