زیاتر لە 300 هەزار پەنابەرو پەناخواز لە عێراقدا دەژین کە زۆرینەیان هاوڵاتى سوریان، زیاتر لە یەک ملیۆن ئاوارەش لە ناوچە جیاوازەکانى عێراق دەژین.

هەواڵ:KNNC

بەپێى ڕاپۆرتێکى کۆمسیۆنى باڵاى پەنابەرانى سەر بە نەتەوە یەکگرتوەکان،  338 هەزار و 138 پەنابەر و پەناخواز لە عێراقدان.

بەپێى راپۆرتەکە، زۆرینەى پەنابەرانى نیشتەجێى عێراق هاوڵاتى سورین کە ژمارەکەیان دەگاتە 303 هەزار و 611 کەسە، نۆهەزار و 447 کەسیشیان هاوڵاتى ئێرانن و زیاترلە هەشت هەزاریشیان هاوڵاتى تورکیان حەوت هەزار و  285کەسیشیان فەڵەستینین.

سەبارەت بە ژمارەى ئاوارەکانیش ئەو دامەزراوەیەى سەر بەنەتەو ەیەکگرتوەکان ئاشکراى کردوە، زیاتر لە یەک ملیۆن ئاوارە  لە ناوچە جیاوازەکانى عێراق نیشتەجێن بەڵام تەنها 109 هەزارکەسیان لە کەمپەکاندا دەژین.