هەموان دەزانن موقتەدا بەبێ بونی لەناو پەرلەمانی عێراق، ڕازی نابێت بە پێکهێنانی حکومەت، ڕازی بونی موقتەدا واتا کۆتای موقتەدا، لە کاتێکدا نەخشەی سیاسی لە پلانیدا زۆر گەورەترە لەوەی بیەوێت دەست لەکار بکێشێتەە یان دور بکەوێتە، یان هەندێک خەڵک بە جۆرێک باسی دەکەن کە پیاوێکی بێ خەون و ڕاڕا و بێ بەرنامەیە، هەمو مشتومڕ و بێنەوبەردەکانی بۆ بەدەست هێنانی ئامانجەکانیەتی کە دو ئامانجی هەیە و لە خوارەوە کورتی دەکەمەوە.

یەکەمیان: موقتەدا کاتێک لەپەرلەمان هاتەدەر ئەوە بەشکست دەزانێ ڕێگە بدات بەبێ بونی ئەو لە پەرلەماندا حکومەتی تازە دروست بکرێت، یان دەبێت هەڵبژاردن بکرێتەوە یاخود ڕێگە نادات پەرلەمان دانیشێ و حکومەت دروست ببێت، بۆیە باشترین چارەسەر بۆ گەلانی عێراق ئەوەیە هەڵبژاردن بکرێتەوە.

 لەکاتێکدا سەرۆکایەتی پەرلەمان و سەرۆک کۆمار هەڵەی گەورەی ستراتیجیان کرد کاتێک واژۆی دەست لەکارکێشانەوەی پەرلەمانتارانی سەدریان کرد، دەبوایە هەوڵی پەشیمانکردنەوەی سەدریان بدایە بەوەش ئێستا پەرلەمان پەکی نەدەکەوت، دەرگاشیان بۆ ئەم بێ سەروبەریە نەدەکردەوە، خەریکە سەردەکێشێت بۆ شەڕی خوێناوی لەعێراقدا. کاتێک موقتە بێمنەت دەکرێت ئەویش پڕۆسەی سیاسی پەکدەخات. بۆیە دەبوایە سەرەتا ڕێگریان لێبکردایە، باشترین چارەسەر ئەوەیە لەئێستا بەقسەی موقتەدا بکەن هەڵبژاردن بکەنەوە.

دوەمیان: موقتەدا دەیەوێت ببێتە کەسی یەکەمی شیعەکانی عێراق، لەڕوی سیاسی و مەرجەعیەوە، لەئێستادا کار لەسەر ڕەوتی شیعەدەکات بۆ کۆنتڕۆڵکردنی نفوسی شیعە و هەمو حیزبەکانی تریش پەراوێز بخات، یاخود ڕاویان بنێت، بۆ ئەوەی وەک کەسی یەکەمی شیعە بمێنێتەوە. باشترین شتێک کە پێویستە بکرێت بۆ ئەوەی ڕێگە لە دکتاتۆریەتی سەدر بگیرێت و پڕۆسەی دیموکراسی لەعێراق بەرەو کەناری نائومێدی نەڕوات.
موقتەدا دەیەوێت لەناو سونە و کوردیش ئاڕاستەی سیاسی بەرەو یەک جەمسەری یاخود یەک حیزبی قاعید ببات و فرەڕەنگی و پڕۆسەی دیموکراسی نەمێنێت لە قۆناغی یەکەمی ئامانجەکەی وادەردەکەوێت، لەناو کورد و لەناو سونەش یەک حیزب بەشداری پڕۆسەی سیاسی بکات، بەوەش لە قۆناغەکانی دواتر بەهاوکاری سونە کۆنتڕۆڵی کوردستان و دواتریش وەک تاکە حیزبی فەرمانڕەوە کۆنتڕۆڵی پایەکانی پڕۆسەی سیاسی عێراق دواجار بەبێ سونەب کات، دەست بەسەر سەرۆکایەتیەکانی  کۆمار و ئەنجومەنی وەزیران و پەرلەمان بگرێت، خۆشی وەک مەرجەعی بڕیار بەدەستی شیعی لەدوای سیستانی خۆی بەیان بکات.

ئەمە ئەوخاڵە مەترسیدارانەن کە کورد لەپێناو بەرژەوەندی مادی بیری لێناکاتەوە، سەرکردە سیاسیەکانی عێراقیش لەبەر بەربەرژەوەندی شەخسیان نایانەوێت لەوە تێبگەن، دواجار ئەوەی لەم پڕۆسیەدا زیان دەکات گەلانی عێراقە، هەڵبژاردنی ڕابردو بەڕونی دەریخست بەهۆی پڕۆسەی تەزویری ئەلیکتڕۆنی بۆ جێبەجێکردنی ئەجێندای هزری تاکڕەوەی لەعێراق کەلەگەڵ خواستی ئەوانە یەکیان نەگرتەوە، کۆمەڵێک حیزبی سیاسیان بەبەرنامە لە پەرلەمانی عێراقی دورخستەوە.

بۆیە لەپێناوی پاراستنی فرەڕەنگی و ئازادی و نەگەڕانەوە بۆ ئەو ڕۆژە ڕەشانەی کە گەلانی عێراق بەهۆی تاکڕەویەوە توشی هەزاران نەهامەتی بون. پێویستە هەڵبژاردنێکی پاک و بێگەرد بکرێت، چونکە هەڵبژاردنی پێشوەختە بەدەچونی ڕەوتی سەدر شکستی هێنا.