ئەمڕۆ هەینی تەواوی ئەندامانی یەک خێزان کە باس لەوە دەکرێت چوار کەسن، لە دەریاچەی دوکاندا خنکان.

هەواڵ:KNNC

پەیامنێری کەی ئێن ئێن رایگەیاند؛ باس لەوە دەکرێت کە چوار کەس لە ئەندامانی یەک خێزان لە ئاوی دەریاچەی دوکان لە سنوری نێوان گردجان - قەرەنیاغا خنکاون.

وتیشی: ئەوانەی خنکاون جگە لەوەی ئەندامی یەک خێزانن، هاوکات مەڕدارن و ساڵانە دێنە سنورەکە.

لای خۆیشییەوە وتەبێژی بەرگری شارستانی ڕاپەڕین هەواڵەکەی بۆ کەی ئێن ئێن پشت ڕاستکردەوە و راگەیاند؛ روداوەکە لە نزیک گوندی قەمتەران بوە، بەڵام لە ژمارەی تەواوی خنکاوەکان دڵنیا نین.

لە ئێستادا تەرمەکان دەرهێندراوەتەوە و رەوانەی پزیشکی دادی رانیە کراون.