ئیدارەی فڕۆکەوانی فیدراڵیی ئەمەریکا ئەو
کۆت و بەندانەی بۆ سێ ساڵی دیکە درێژکردەوە، کە بەسەر گەشتە بازرگانییەکانی وڵاتەکەی لە
ئاسمانی عێراقدا سەپێنراون.
هەواڵ:KNNC
ئاژانسی هەواڵی رۆیتەرز بڵاوی کردەوە، هۆکاری درێژکردنەوەی
کۆت و بەندەکانی ئیدارەی فڕۆکەوانی فیدراڵیی ئەمەریکا بۆ ئەو مەترسیانە
دەگەڕێتەوە کە بەهۆی چالاکی گروپە چەکدارەکانی سەر بەئێران
و پرۆسە سەربازییەکانی تر، هاتونەتە ئاراوە.
ئاماژە بەوەش کراوە، بڕیارەکەى ئیدارەی
فڕۆکەوانی فیدراڵیی ئەمەریکا، تا مانگی تشرینی یەکەمی ساڵی 2027
کاری پێدەکرێت و ئەو کۆمپانیا بیانیانەش دەگرێتەوە کە گەشتی هاوبەش
لەگەڵ کۆمپانیاکانی فرۆکەوانی ئەمریکا ئەنجام دەدەن.
مانگی رابردوو وەزارەتی گواستنەوەی ئەمریکا بەبڕی 250
هەزار دۆلار، سزای دارایی بەسەر کۆمپانیای ئێرکەنەدا سەپاند، لەپای بەکارهێنانی
ئاسمانی عیراق لەماوەی ساڵانی 2022 بۆ 2023.
167 جار خوێندراوەتەوە