كەشناسی سلێمانی رایدەگەیەنێت: ئاسمانی هەرێم لەنێوان ساماڵ و نیمچە هەوردا دەبێت و پلەكانی گەرما كەمێك بەرز دەبنەوە.


هەواڵ: (KNNC)


بەڕێوەبەرایەتی کەشناسی و بومەلەرزەزانی سلێمانی بڵاویكردەوە؛ بەپێی پێشبینییەكان سبەینێ شەممە كەشوهەوای شارەكانی هەرێمی كوردستان ئاسمان ساماڵ و پەڵە هەور دەبێت لەهەندێ كاتدا دەگۆڕێت بۆ نیمچە هەور، بەراورد بە ئەمڕۆ پەلەكانی گەرما كەمێك بەرزبونەوە بەخۆیانەوە دەبینن.


رونیكردوەتەوە كە، خیرایی "با" لەنێوان لەسەرخۆ و مامناوەند (10 بۆ 20) كم/ك دەبێت و ئاڕاستەكەشی لەباكوری خۆرئاواوەیە، هەروەها مەودای بینینی لەنێوان (8 بۆ 10) كە دیاریكردوە.


بەڕێوەبەرایەتی کەشناسی و بومەلەرزەزانی سلێمانی ئاماژەی بۆئەوەشكردوە، بەرزترین پلەکانی گەرمای پێشبینیکراوی سبەینێ شەممە بە پلەی سیلیزی بەم جۆرەی خوارەوەیە؛

هەولێر : 22 پلەى سیلیزى
سلێمانی : 20 پلەى سیلیزى
دهۆک : 22 پلەى سیلیزى
کەرکوک : 24 پلەى سیلیزى
هەڵەبجە : 21 پلەى سیلیزى
زاخۆ : 23 پلەى سیلیزى
حاجی ئۆمەران : 12 پلەى سیلیزى
سۆران : 20 پلەى سیلیزى
گەرمیان : 25 پلەى سیلیزى