نرخی زێڕ زیاتر بەرزبوەوە و ئۆنسەیەک نزیک دەبێتەوە لە سێ هەزار دۆلار.

ئابوری:KNNC

ئەمڕۆ هەینی لەگەڵ کردنەوەی بازاڕە داراییەکان، نرخی زێڕ بەرزبونەوەی تۆمارکرد و ئۆنسەیەک بە 2933.45 مامەڵەی پێوەدەکرێت.

هاوکات، نرخی ئایندەی زێڕی ئەمەریکا بە رێژەی 0.4% بەرزبوەوە و گەیشتە 2957.50 دۆلار.

ترس لە هەڵگیرسانی جەنگی ئابوری لەلایەن دۆناڵد ترەمپەوە وایکردوە، زێڕ بەردەوام نرخەکەی بە بەرزی و ناجێگیری بمێنێتەوە.

سەبارەت بە کانزاکانی دیکەش، زیو لە مامەڵەکانی سپۆتدا بە ڕێژەی لەسەدا 0.1 دابەزیوە و بۆ هەر ئۆنسەیەک بە 32.32دۆلار دابەزیوە، پلاتینیۆم بەڕێژەی 0.1% بەرزبوەوە و گەیشتە 996.35 دۆلار، بەپێی داتاکانی ڕۆیتەرز، پالادیۆم بەڕێژەی 0.3% دابەزیوە و گەیشتووەتە 991.26 دۆلار.