دوو منداڵى کورد-ى دانیشتوى شارەکانى سلێمانى و هەولێر  توانیویانە لەسەر ئاستى 16 وڵات و بە بەشدارى زیاتر لە 450 منداڵ پلەى یەکەم و دوەم لە پێشبڕکێیەکى بیرکاری-هزریی بەدەستبهێنن.

هەواڵ:KNNC

لە پێشبڕکێی نێودەوڵەتیی تایبەت بە بیرکاریی هزری کە لە رۆژى 15/2/2025 لە شارى بەغداد بەڕێوەچوە، (لاوى هەرێز)، کە لە شارى سلێمانییەوە بەشدارى کردوە توانیویەتى پلەى یەکەم بەدەستبهێنێت و (عەبدوڵا پێشەوا) ش کە لە شارى هەولێرەوە بەشدارى کردوە توانیویەتى پلەى دوەم بەدەستبهێنێت.

(لاوى هەرێز)، لەلایەن مامۆستایەکى تایبەت بەناوى (بەڵێن هەورامى) راهێنانى پێکراوە و (عەبدوڵا پێشەوا)ش لەلایەن مامۆستایەک بەناوى (پێشواز فایەق) راهێنانى کردوە.

لەم پێشبڕکێیەدا، جگە لە لاوى و عەبدوڵا زیاتر لە 450 منداڵى دیکە لە 16 وڵاتى جیاوازەوە بەشدارییان کردوە ئەوانیش وڵاتانى  (روسیا، تورکیا ، ئێران، ئۆکرانیا ، ئەڵمانیا ، کازاخستان ، ئۆزباکستان ، فەرەنسا، تونس ، سعودیە ، یەمەن ، میسر ، چیک ، عێراق)ن.