دواى ئەوەى 22 ساڵە خێزانەکەى هیچ هەواڵێکیان نەزانیوە، ئەمڕۆ سەیفوڵا حسێن، هاوڵاتییەکەى شارۆچکەى سەروچاوەى دەڤەرى راپەڕین گەڕایەوە ناو کەسوکارەکەى.

هەواڵ:KNNC


سەیفوڵا حسێن، ساڵى 1996 و لە تەمەنى 19 ساڵیدا بە نیازى ئەوەى بگاتە ئەوروپا ئیدارەى راپەڕینى بەرەو کینیا جێهێشتوە، تا ساڵى 2003 پەیوەندى لەگەڵ خێزانەکەى هەبوە، بەڵام لەوکاتەوە هیچ هەواڵێکى نەبوە و بێسەروشوێن بوە.

یەکێک لە کەسوکارى سەیفوڵا بە کەى ئێن ئێن،ى راگەیاند؛ تا 22 ساڵ پێش ئێستا توانیویانە لەڕێی فاکسەوە لەگەڵ کوڕەکەیان قسە بکەن، بەڵام لەدواى ئەو ساڵەوە هیچ هەواڵێکیان نەزانیوە و بێسەروشوێن بوە.

شەوى رابردو، لەڕێی فڕۆکەخانەى سلێمانییەوە، سەیفوڵا و هاوسەرە ئەفریقیی و کوڕە کوردە-ئەفریقیی-ەکەى گەیشتنەوە خاکى هەرێمى کوردستان و دواى 28 ساڵ باوەشى بە خێزان و کەسوکارەکەیدا کردەوە.