زنجیرەیەک تەقینەوە لە نزیک تەلئەبیبی پایتەختی ئیسرائیل لە ناو چەند پاسکێدا رویاندا، پۆلیسیش دەڵێت: تەقینەوەکان هیچ کوژراو و بریندارێکیان لێنەکەوتوەتەوە.

هەواڵ:KNNC

پۆلیسی ئیسرائیل رایگەیاند، چوار بۆمب لە ناو چوار پاسدا دانرابون سێ لە بۆمبەکان تەقیوەتەوە و چوارەمیان هەڵوەشێنراوەتەوە.

ئاماژەی بەوەشکردوە، تەقینەوەکان بونەتەهۆی کەوتنەوەی ئاگر لە ناو ئەو پاسانەدا، بەڵام هیچ کوژراو و بریندارێکی لێنەکەوتوەتەوە.

هاوکات، ڕۆژنامەی ئەهلی یەدیوت ئەهرۆنۆت لە زاری سەرچاوەکانی پۆلیسەوە بڵاویکردەوە، ئەو تەقەمەنیانەی کە لە بۆردومانەکاندا بەکارهێنراون، کێشی هەریەکەیان نزیکەی پێنج کیلۆگرام بووە.

لێکۆڵینەوە سەرەتاییەکانی پۆلیس دەستیپێکردوە و تا ئێستاش هیچ کەس و لایەنێک بەرپرسیارییەتیی خۆی لە تەقینەوەکان رانەگەیاندوە.