نرخی فێركردنی شۆفێری دەگۆڕێت و
لە نوسراوێكدا بەڕێوەبەرایەتی هاتوچۆی هەرێم دەڵێت: پێویستە سەرجەم نوسینگەكانی
فێركردنی شۆفێری پابەندی نرخە نوێكە بن.
هەواڵ: (KNNC)
بەڕێوەبەرایەتی
گشتی هاتوچۆی هەرێمی کوردستان نوسراوێكی ئاڕاستەی گشت
نوسینگەكانی فێركردنی شۆفێری كردوە كە تیایدا هاتوە؛ بەڕەچاوكردنی بارودۆخی
هاوڵاتیان و بۆ دەرهێنانی مۆڵەتی جۆری (B) لە نوسینگەكان،
نرخەكان بۆ ساڵی (2025) دیاریكراون و هۆبەكانی چاودێری هاتوچۆ، چاودێری
جێبەجێكردنی دەكەن.
رونیكردوەتەوە: بۆ هەر وانەیەكی تیۆری
كە لە (45) خولەك پێكهاتوە، تەنها بڕی سێ هەزار دینار وەردەگیرێت.
بەڕێوەبەرایەتییەكە ئاماژەی بۆ
ئەوەشكردوە، بۆ هەر وانەیەكی پراكتیكی یەك كاتژمێری تەنها بڕی (20) هەزار دینار
وەردەگیرێت و پێویستە تەواوی نوسینگەكانی فیركردنی شۆفێری پابەندی ئەم نرخەبن.
734 جار خوێندراوەتەوە