لە ئۆپراسیۆنێکدا فەرماندەیی ناوەندیی ئەمەریکا لەگەڵ هێزەکانی
سوریای دیموکرات (هەسەدە)
سەرکردەیەکی داعشیان دەستگیرکردوە.
هەواڵ: (KNNC)
فەرماندەیی ناوەندیی ئەمەریکا (سێنتکۆم) لە تۆڕی كۆمەڵایەتی (X)
بڵاویكردەوە: لە رۆژی (6ـی 3) هێزەکانی سوریای
دیموکرات (هەسەدە) بەپشتیوانی هێزەكانی ئەمەریكا ئۆپراسیۆنێکیان ئەنجامدا و توانیان
سەڵاح محەمەد، سەکردەی شانەی داعش لە دەوروبەری شحیلی رۆژهەڵاتی سوریا دەستگیر بكەن.
ئەوەیخستوەتەڕو، لە کاتی ئۆپراسیۆنەکەدا هێزەكانی سوریای
دیموكرات (هەسەدە) دەستییان بەسەر ژمارەیەک چەکی جۆراوجۆر و بڕێكی زۆر تەقەمەنیدا
گرتوە.
فەرماندەیی ناوەندیی ئەمەریکا (سێنتکۆم) ئاماژەی بۆ ئەوەشكردوە؛ ئۆپراسیۆنەکە لەلایەن هێزەکانی سوریای
دیموکرات ئەنجامداروە كە لەچوارچێوەی ئەو هەڵمەتە بەردەوامانەیە رێگری لە دوبارە
سەرهەڵدانەوەی تۆڕەکانی داعش و رێکخراوە تیرۆریستییەکان لە ناوچەکەدایە.
194 جار خوێندراوەتەوە