پەروەردەى سلێمانى رێنمایی ئەنجامدانى تاقیکردنەوەکانى وەرزى دوەمى بڵاوکردەوە،  ئەو قوتابخانانەى بایکۆتى خوێندنیان کردبو بە رێنمایی و کاتى جیاوازتاقیکردنەوەکان ئەنجام دەدەن.


هەواڵ:KNNC

بەپێی رێنماییەکەى پەروەردەى سلێمانى، ئەو قوتابخانە و خوێندنگانەى بەپێی ساڵنامەى خوێندن دەوامیان کردوە، بەپێی هەمان ساڵنامە تاقیکردنەوەکانیان ئەنجام دەدەن، بەڵام ئەوانەى دابڕاون و بایکۆتیان کردوە بەمشێوەیە تاقیکردنەوە دەکەن.

رێنمایی تاقیکردنەوەى وەرزى دوەمى ئەو قوتابخانانەى بایکۆتیان کردوە بەمجۆرەیە:

لە رێکەوتى 13ـى 4 تاقیکردنەوەکانیان دەستپێدەکات و لە 22ـى 4 کۆتایی دێت، لەم ماوەیەدا تاقیکردنەوەى 20 نمرەیی  پۆلەکانى 4 تا 8 و 10 و 11 بەڕێوەدەچێت.

تاقیکردنەوەى پۆلەکانى 9ـى بنەڕەتى و 12ـى ئامادەیی لە 8ـى 4 تا 21ـى 4 بەڕێوەدەچێت، هەروەک ئەوەش هاتوە کە تاقیکردنەوەکانى کۆتایی وەرزى خولى یەکەم و دوەم وەک خۆى بەپێی ساڵنامەى وەزارەتى پەروەردە بەڕێوەدەچێت.

بۆ ئەم تاقیکردنەوانە، بەپێی رێنماییەکانى پەروەردەى سلێمانى رۆژانى شەممەش تاقیکردنەوە بەڕێوەدەچێت و ئەگەر هەر رۆژێکى پشوش هاتە پێشەوە لەو وادەیەدا، بە هەمان زنجیرە تاقیکردنەوەکان لە رۆژى داهاتودا بەردەوام دەبێت.