لیژنەی نوسینەوەی دەستوری نوێی سوریا، رایدەگەیەنێت: رەشنوسی دەستوری ئاڕاستەی سەرۆكی راگوزەری سوریا كردوە و دەوڵەت پابەندە بە پاراستنی یەکڕیزی خاک و گەل.


هەواڵ: (KNNC)


ئەمڕۆ پێنجشەممە، لیژنەی نوسینەوەی دەستوری سوریا، رەشنوسی دەستویان رادەستی ئەحمەد شەرع كرد و لە بڵاوكراوەیەكیشدا ئاماژەی بۆ ئەوە كردوە، دەستور بەسەر پێشەکییەک و چوار بابەتدا دابەشکردوە، بەبێ ئەوەی هیچ گۆڕانکارییەک لە بڕگە گشتییەکاندا بکرێت.



ئەوەیخستوەتەڕو، ناوی وڵاتەكە كۆماری عەرەبی سوریایە و ئەنجومەنی گەل مافی لێپرسینەوەی لە وەزیرەكان و گۆڕینی سەرۆك كۆماری هەیە، هەروەها دەسەڵاتی جێبەجێكردن لای سەرۆك كۆمار دەبێت و پەیوەندی وەزیرەكان راستەخۆ بەوەوەدەبێت.


رونیانكردوەتەوە كە، دەوڵەت پابەندە بە پاراستنی یەکڕیزی خاک و گەل هەروەها هەوڵی دروستكردنی لاپەڕەیەكی تایبەت بە ماف و ئازادییەكان دراوە، جەخت لە جیاکردنەوەی دەسەڵاتەکان کراوە و تەنیا ڕاگەیاندنی باری نائاساییە لە دەستی سەرۆکدا هەیە، هەروەها سەرۆک كۆمار مافی ئەوەی هەیە دادگایەکی دەستوری نوێ دەستنیشان بکات.


لیژنەی نوسینەوەی دەستوری ئاماژەیان بۆ ئەوەكردوە، دەستوری نوێ مافی ژنان و ئازادی بیروڕای زامن كردوە و فیقهی ئیسلامی سەچاوەی سەرەکی یاسادانانە هەروەها دەسەڵاتەكانی سەرۆك كۆمار بۆ قۆناغی ڕاگوزەر سنورداركراوە و قۆناغی ڕاگوزەری بە پێنج ساڵ دیاریكردوە.