بەپێی ئەنجامى ڕاپرسییه‌ك، خه‌ڵكی عێراق یه‌كێكن له‌ گەلە نەویستراوەکانی جیهان، شێوازی حوكمڕانی و سیسته‌می سیاسیی وڵاتەکە، وای كردوه‌ گه‌لانی جیهان گه‌لی عێراقیان نه‌وێت.

هەواڵ:KNNC

بەپێی ڕاپرسییەک کە لەلایەن ڕێکخراوی وۆرد پیوپڵ ڕیڤیو ئەنجام دراوە، مرۆڤەکان لە سەرانسەی جیهان لەسەر شێوازی حوكمڕانی و سیسته‌می سیاسیی وڵات و كولتور و ئایین بۆچونی تایبەت و جیاوازیان هەیە لەسەر خەڵکانی وڵاتانی دیکە.

بەپێی ئەنجامى راپرسییەکە، گه‌لانی چین و ئه‌مریكا و ڕوسیا یەک لە دوای یەک، نەویستراوترین گه‌لانی جیهانن و هۆكاره‌كه‌یشی په‌یوه‌ندیی به‌ ئاست و قه‌باره‌ی باڵاده‌ستی هه‌ر یه‌كێكیانه‌وه‌ هه‌یه‌ له‌ جیهاندا.

ڕاپرسییه‌کە ئەوەشی ئاشکرا کردوە: گه‌لی کۆریای باکور له‌ پلەی چوارەم و ئیسرائیل له‌ پلەی پێنجەم و پاکستان له‌ پلەی شه‌شه‌م دێن و دواى ئەوان، ئێران له‌ پلەی حەوتەم، عێراق له‌ پلەی هەشتەم، سوریا له‌ پله‌ی نۆیه‌م و هیندستان له‌ پله‌ی ده‌یه‌م دێن، هاوكات عێراق له‌سه‌ر ئاستی وڵاتانی عه‌ره‌بیدا له‌ پله‌ی یه‌كه‌م دێت.

به‌ پێی ئەنجامى ڕاپرسییه‌كه‌، سیستمی سیاسیی عێراق و شێوازی مامه‌ڵه‌ی نه‌رێنی حكومه‌تەکەى له‌گه‌ڵ مافه‌كانی مرۆڤ، له‌ دوو سه‌ره‌كیترین هۆكاره‌كانن كه‌ وایكردووه‌ گه‌لانی جیهان گه‌لی عێراقیان نه‌وێت.