وتەبێژی وەزارەتی گواستنەوەی عێراق دەڵێت: ساڵی
داهاتو قۆناغی یەكەمی بەندەری گەورەی فاو تەواو دەبێت، ئاماژەی بەوەش كرد: دیزاینی
هێڵی شەمەندەفەری ڕێگای گەشەپێدان تەواو بوە.
هەواڵ:KNNC
مەیسەم سافی وتەبێژی وەزارەتی گواستنەوەی عێراق، ڕایگەیاند: كاركردن لە پرۆژەی بەندەری فاو و پرۆژە ستراتیژییەكانی
تری وەزارەتی گواستنەوە، بەردەوامە و ساڵی داهاتو قۆناغی یەكەمی بەندەری گەورەی
فاو تەواو دەبێت و ئەوەش یەكێكە لە پێكهاتەكانی ڕێگای گەشەپێدان.
وتیشی: هێشتا پرۆژەی ڕێگای گەشەپێدان، لە قۆناغی
دیزاندایە و دیزاینی پرۆژەكە گەیشتوەتە قۆناغی كۆتایی و دیزاینی هێڵی شەمەندەفەر
و ڕوپێویی تۆبۆگرافی و پشكنینی خاك، گەیشتوەتە 100%، لەكاتێكدا دیزاینی ڕێگای
وشكانی گەیشتوەتە 84%.
وتەبێژی وەزارەتی گواستنەوەی عێراق ئەوەشی خستەڕو:
هەنگاوی دواتر بریتی دەبێت لە قۆناغی دیزاینی كۆتایی ڕێگای گەشەپێدان و ڕاگەیاندنی
پرۆژەكە لەبەردەم كۆمپانیا گەورە نێودەوڵەتیەكان بۆ كێبڕكێكردن لە جێبەجێكردنی و هەڵبژاردنی
گونجاوترینیان بۆ خزمەتكردنی بەرژەوەندیی گەل و دیدگای حكومەتی عێراق...
35 جار خوێندراوەتەوە