هاوسەرۆکی گشتی دەمپارتی
لە وەڵامێکدا بۆ قسەکانی سەرۆکی مەهەپە دەربارەی پێشنیاری هەڵگرتنی گۆشەگیری لەسەر
ئۆجەلان رایگەیاند، گۆشەگیری لەسەری لابەرن، با ئۆجەلان دەرکەوێت و قسەبکات.
هەواڵ:KNNC
توڵای هاتیمئۆغڵولاری، هاوسەرۆکی
گشتی دەمپارتی لە کۆبونەوەی فراکسیۆنەکەی لە پەرلەمانی تورکیا وەڵامی قسەکانی
دەوڵەت باخچەلی سەرۆکی مەهەپە-ـی دایەوە و رایگەیاند، بهێڵن گۆشەگیری سەر عەبدوڵا
ئۆجەلان لاچێت و دەرکەوێتەوە و قسەبکات، هەموان ببینین ئەو چی دەڵێت و ئێمەش
دەمانەوێت پەیام و بۆچونەکانی بزانین.
ئاماژەی بەوەشکرد، بۆچارەسەرکردنی پرسی کورد لە تورکیا پێویستە ئۆجەلان
وەکو لایەنێکی سەرەکی ئەژمار بکرێت، چارەسەری پرسی کورد-ـیش لە پەرلەمانی تورکیایە.
هاوکات، هەڤاڵ دلبەر پەرلەمانتاری کورد لە پەرلەمانی تورکیا بە کەی ئێن ئێن-ـی
راگەیاند، ئەوان پێشوازی لە پێشنیاری هەڵگرتنی گۆشەگیری لەسەر عەبدوڵا ئۆجەلان
دەکەن بۆ پێشکەشکردنی وتارێکی لە پەرلەمانی تورکیا.
173 جار خوێندراوەتەوە