لە دەستڕێژى گولـلەدا کە شەوى رابردو لە شارى
هەولێر رویداوە، کەسێک کە بەئامانجگیراوە کوژراوە و کەسێکى دیکەش کە لەشوێنى
روداوەکە بوە بەرکەوتوە و بریندار بوە.
هەواڵ:KNNC
پەیامنێرى کەى ئێن ئێن لە شارى هەولێر
رایگەیاند؛ شەوى رابردو لە گەڕەکى سەرکارێزى شارى هەولێر کەسێک بە ماتۆڕسکیلێک
دەستڕێژى گولـلەى کردوەتەسەر هاوڵاتییەک و دەستبەجێ لە شوێنى روداوەکە ئەو کەسە
گیانى لەدەستداوە.
ئاماژەى بۆ ئەوەشکرد کە هەر لەکاتى
دەستڕێژەکەدا هاوڵاتییەکى دانیشتوى گەڕەکى سەرکارێز کە لەوکاتەدا لەوێبوە فیشەکێک
بەر سکى کەوتوە و بریندار بوە کە پیشەى پێشمەرگەیە و خاوەنى دوو منداڵە.
ئاماژەى بۆ ئەوەکرد کە بریندارەکە
نەشتەرگەریی بۆ ئەنجامدراوە و ئێستا بۆ
چارەسەر لە نەخۆشخانەى ئیمێرجنسى شارى هەولێرە و تەندروستى جێگیرە.
لەبارەى هۆکارى دەستڕێژى گولـلە و کوشتنى ئەو
هاوڵاتییەوە کە بە رەگەز سورییە، پۆلیس ئامادەنەبوە هیچ لێدوانێکى فەرمیی بدات و
رایگەیاندوە کە لەئێستادا لێکۆڵینەوە لەسەر روداوەکە دەستپێکردوە و هیچ زانیارییەک
رون نەبوەتەوە.
هەولێر/ محەمەد کاک ئەحمەد
104 جار خوێندراوەتەوە